Venesuelar flýggja til Íslands

Alt bendir á, at 2023 verður metár fyri tal av flóttafólkum, sum eru komin til Íslands síðani í vár.

Fyrra hálvár komu 2.481 flóttafólk til Íslands, og av teimum vóru 1.147 úr Venesuela. 

Tey flýggja undan ótryggu poltisku og búskaparligu støðuni í sínum heimlandi, skrivar íslendska kringvarpið.

Í fjør fingu 700 flóttafólk úr Venesuela uppihaldsloyvi. 

Niðurstøðan hjá immigratiónsnevndini er, at støðan í landinum nú er broytt, og tí hava umsøkjararnir ikki rætt til uppihaldsloyvi.

Tað er ikki greitt, nær kærunevndin fer at viðgerða málini. Hon hevði fund fríggjadagin, og skal hittast aftur í august.