Kringvarpið vísir dystin millum KÍ og BK Häcken í kvøld

Fótbóltsfepur herjar í Klaksvík eftir at KÍ rættiliga óvæntað vann seg víðari frá fyrsta umfari í undankappingini í Championes League móti ungarsku meistaranum Ferencvaros. 

3-0 sigurin á útivølli í Budapest verður roknaður sum besta úrslit hjá einum føroysku felagsliði í fótbólti nakrantíð. 

Í kvøld kl. 19.45 fer KÍ á vøllinum í øðrum umfari móti svenska meistaranum BK Häcken frammanfyri einari fullkomiliga útseldari Djúpumýru. 

Kringvarpið sendir dystin beinleiðis í sjónvarpinum, og byrjað verður at senda klokkan 19:35.