Aganevndin: Magnus sleppur ikki til Póllands

Úrskurðurin hjá aganevndini kom í gjár.

07 Vestur vísti í mótmælinum á, at Magnus Holm Jacobsen er bundin av yrkisleikarasáttmála við 07 Vestur fram til 31. oktober 2023, og at avtalan einans var, at 07 vestur var sinnað at leysgeva spælaran til útlendskt felag uttan samsýning, um flytingin varð framd meðan føroyska flytingarvindeygað var opið summarið 2023.

Flytingarvindeygað í summar var opið frá 15. juni til 12. juli.

Niðurstøðan hjá aganevndini er, at umbønin um flyting av loyvisbrævið hjá Magnusi Holm Jacobsen ikki kann verða gingin á møti. 

Aganevndin staðfestir at flytingarumbønin frá pólska felagunm Chrobry Głogów kom 25. juli, sum er væl aftaná at føroyska flytingarvindeygað lat aftur.

Sambært grein 10 í aga- og etisku reglugerðini, kann avgerðin ikki kærast til Yvirkærunevndina í Fótbóltssambandinum.