Galatasaray bíðar, um KÍ vinnur seg víðari í Champions League

Nú er greitt, hvørji mótstøðuliðini hjá KÍ verða, um liðið vinnur seg víðari í Champions League ella tapir, og skal spæla Evropa League.

UEFA hevur havt lutakast í báðum kappingunum í dag.

Vinnur KÍ Champions League-uppgerðina móti Molde, skulu teir mest sannlíkt spæla ímóti turkiska stórfelagnum Galatasaray. 

Galatasaray

Stór stjørnurnar á turkiska liðnum eru Mauro Icardi úr Argentina, belgiski Dries Mertens og enski Wilfried Zaha. 

Galatasaray spælir móti Olimpija Ljubljana úr Slovenia, og sambært Bolt.fo eru Galatasaray stórfavorittar har.

Sheriff Tiraspol 

Tapir KÍ samanlagt móti Molde verður tað helst Sheriff Tiraspol úr Moldova, sum KÍ skal spæla ímóti í play-off í Evropa League.

Sheriff Tiraspol er stórfavorittur at vinna á Bata Borisov úr Hvítarusslandi.

Fyrri dysturin millum KÍ og Molde verður á Tórsvølli í annaðkvøld. 

Kringvarpið vísir dystin millum KÍ og Molde í sjónvarpinum.