Kuwait bannar Barbie-filminum

Almenna frágreiðingin í Kuwait fyri at banna Barbie-filminum er, at hetta er fyri at "verja landsins almenna etikk og sosialu siðvenjur"

Í filminum Barbie við Margot Robbie í høvuðsleiklutinum eru siðbundnu kynsleiklutirnir mestsum býttir um

Mynd: Ritzau / Scanpix

Emil Lisberg Jacobsen

10.08.2023 - 16:00

Kuwait hevur bannað øllum sýningum av filminum "Barbie". Tað skrivar Reuters.

Eitt talsfólk hjá kuwaitisku stjórnini sigur sambært Al Jazeera, at "filmurin ber fram hugsanir og sjónarmið, sum eru fremmand fyri kuwaitiska samfelagið og almennu skipanina."

Í filminum Barbie við Margot Robbie í høvuðsleiklutinum eru siðbundnu kynsleiklutirnir mestsum býttir um.

Filmurin hevur fingið misjøvn ummæli.

Summi siga, at hann er niðurgerandi móti monnum, men onnur siga, at hann er stuttligur og hevur eisini ein álvarsligari boðskap undir allari satiruni.

Greta Gerwig hevur skrivað og leikstjórnað filmin.