Nýggj bók um fólkaræði eftir Beintu í Jákupsstovu

Tað verður staðfest, nú Nám gevur út nýggja bók um fólkaræði eftir Beintu í Jákupsstovu.

Bókin, ið ber heitið “Fólkaræði - hvat, hví og hvussu”, viðger týdningarmestu hugtøkini um fólkaræði stuðlað av eini gjølligari kelduskipan, ið ger lesaran føran fyri at kunna seg víðari í øðrum bókmentum.

“Fólkaræði - hvat, hví og hvussu” hevur aktuellan týdning, ikki minst nú einaræðið Russland er lopið á fólkaræði Ukraina og sjálvsagda fólkaræði stendur fyri skotum, samstundis sum talufrælsi er vorðið eitt stríðsmál í altjóða høpi.