Nýtt koronufrábrigdi staðfest í Svøríki

Nýggja koronufrábrigdið eris, ella EG 5, er nú staðfest í Svøríki.

EG 5 er skylt við omikronfrábrigdið. EG 5 hevur verið í Danmark síðani í mai.

Har eru 54 tilburðir staðfestir, skrivar AFP. 

Ikki er orsøk til at stúra fyri EG 5, siga læknar. Tað smittar illa, men fólk gerast ikki illa sjúk av tí. 

Heimsheilsustovnurin WHO heldur tó, at EG 5 er eitt áhugavert frábrigdi.

EG 5 er mest í Kina og USA, men WHO útilokar ikki, at frábrigdið kann gerast tað mest vanliga í heyst og í vetur. Smittan er vaksin 80 prosent í øllum heiminum seinasta mánaðin. Hálvonnur millión fólk eru staðfest smittað av EG 5 seinastu 28 dagarnar.

Hóast EG 5 ikki verður hildið at vera vandamikið, ávarar Tedros Ad-hanom Ghe-brey-esus, stjóri í WHO, um, at vandi kann vera fyri, at vandamiklari koronufyribrigdi kemur undan kavi og hevur sjúku og deyða við sær.