Søkja aftur eftir skúlastjóra til Vestmanna skúla

Nú verður aftur søkt eftir skúlastjóra til Vestmanna skúla.

Anna Maria Reinert Jensen, sum var skúlastjóri frá februar í ár, verður skúlastjóri í Hoyvíkar skúla mánadagin 18.september.

Starvið sum skúlastjóri verður sett frá 15. oktober í ár ella so skjótt sum til ber.

Umsóknarfreistin er til 29. september.

Hetta verður fjórði skúlastjórin í Vestmanna í eitt ár.

Alis Jóna Højsted fór frá í fjør heyst.

Síðani var Eyðdis Eidesgaard fyribils skúlastjóri, til Anna Maria Reinert Jensen kom í februar.

Og nú fer hon eisini.