Innsavningin hjá Reyða Krossi gav 1,7 milliónir

Uttan borgaran - eingin Reyði Krossur.

Tað sigur Jóannes Eidesgaard, formaður í føroyska Reyða Krossi.

- Vit vilja fegin hava borgaran við í okkara arbeiði, og tí hava vit higartil hildið fast við bússuinnsavningina, hóast øll kanska ikki hava reiðan pening við hús.

Hann ásannar tó, at nýggja tíðin helst krevur eina nýggja tøkniliga loysn.

Jóannes Eidesgaard var í morgunsendingini í útvarpinum í morgun: 

Jóannes Eidesgaard

Landsinnsavningin í ár var tann besta higartil, sigur formaðurin.

Í ár komu í alt næstan 1,7 milliónir krónur inn.

Stívliga 800 túsund krónur koyrdar í bússur, meðan restin var flutt á kontu, segði Jóannes Eidesgaard, formaður í Reyða Krossi, í morgunsendingini.