Flogbóltsárið servað í gongd sunnudagin

Flogbóltsárið verður servað í gongd sunnudagin, tá árligu stórsteypadystirnir verða leiktir í høllini á Hálsi í Havn.

Talan er um afturvendandi vælgerandi tiltak, har meistararnir hjá ávikavist kvinnum og monnum spæla ímóti steypavinnarunum. Um meistarin og steypavinnarin er sama liðið, verður spælt ímóti næstfremsta liðnum í landskappingini.

Hjá kvinnum spæla greipuvinnararnir úr SÍ ímóti Fleyr, og hjá monnum spæla Mjølnir, sum eisini vann greipuna í fjør, ímóti Fleyr.

Kvinnurnar byrja klokkan 15:00, og menninir byrja klokkan 17:00.

Fleyr skipar fyri dystunum í ár, og øll inntøkan fer til tilboðið, Títt Rúm, hjá Bláa Krossi.