Ólóglig prísskelti

Eitt eru prísskeltini. Nakað annað eru veruligu prísirnir, sum nýggir bilar verða seldir fyri.

Bilasølurnar selja altíð bilarnar bíligari enn tað, sum stendur á prísskeltinum, og so geva tær eisini betri prís fyri tín gamla bil enn hann í veruleikanum er verdur. Tí fært tú samanlagt ein góðan handil. Tað sigur Rúni Djurhuus, stjóri á Wenzel, sum er staddur uttanlands í løtuni.

Men hetta er ikki í lagi sambært brúkaraumboðnum.

Og júst tí er tað beinleiðis ólógligt, um bilarnir altíð kosta nakað annað enn tað, sum stendur á prísskeltinum.

Og enn verri verður tað, tá prísurin á nýggja bilinum er blandaður saman við, hvat tú fært fyri tín brúkta bil.