Hanus Hansen: Ein vanlukka um eingin sáttmáli verður við Russland

- Tað verður ein vanlukka, um eingin fiskiveiðisáttmáli verður við Russland næsta ár. Vit eiga at gera tað sama sum norðmenn.

Tað sigur Hanus Hansen, stjóri í JFK, sum í dag yvirtók nýggja trolaran Gadus, ið er smíðaður á skipasmiðju í Turkalandi.

Hann sigur, at Gadus kann fyribils fiska av kvotu, sum skipið eigur í norska partinum av Barentshavinum, men tveir triðingar av kvotuni hjá Gadusi er í russiskum sjógvi.

Hanus Hansen

Hanus Hansen, reiðari, er væl nøgdur við nýggja skipið.

Hanus Hansen sigur, at verður eingin avtala við Russland, er vandi fyri, at tað fer at raka meira enn 200 fólk í JFK. 

Nýggi Gadus kostar 450 milliónir kr. 

Hoyr samrøðu, sum Elin Winther Poulsen gjørdi við Hanus Hansen í útvarpstíðindunum klokkan 14:

Nýggi Gadus er 88,1 metur langur og 18,3 metrar breiður.

Skipið ltekur umleið 1.200 tons av frystum fiski á plattum, 350 tons av fiskamjøli og umleið 120 tons av lýsi.