Bakkafrost tók nógv minni av laksi í triðja ársfjórðingi

Tøkan hjá Bakkafrosti hevur verið nógv minni í triðja ársfjórðingi í ár samanborið við sama ársfjórðing í fjør. 

Minkingin er á 4.100 tons, sum svarar til 16 prosent.

Í triðja ársfjórðingi hevur Bakkafrost tikið 20.800 tons av laksi. Somu tíð í fjør tók felagið 24.900 tons av laksi.

Tað hevur Bakkafrost boðað keypsskálanum í Oslo frá. 

Tað er serliga í Skotlandi, at tøkan er minkað nógv. Har er tøkan farin niður í helvt. Hon var 4.100 tons triðja ársfjórðing í ár, samanborið við 8.100 tons sama tíðarskeið í fjør.

Í Føroyum er tøkan eisini minkað, tó ikki eins nógv. 16.700 tons í ár og 16.800 tons í fjør.