Nýggjur uttanríkisráðharri í Noregi

Noreg hevur fingið nýggjan uttanríkisráðharra.

Espen Barth Eide, sum hevur verið ráðharri í veðurlagsmálum og umhvørvismálum, tekur við eftir Anniken Huitfeldt, sum nú fer aftur í Stórtingið.

Anniken Huitfeldt hevur verið umstrídd, síðani tað kom fram, at maður hennara verið uppi í partabrævahandli.

Cecilie Myrseth - Mynd: Nordlys.no

Ceclie Myrseth er nýggjur fiskimálaráðharri.

Cecilie Myrseth verður nýggjur fiskimálaráðharri eftir Bjørnar Skæran.

Myrseth hevur sitið í Stórtinginum síðani 2017.

Jonas Garhr Støre, forsætisráðharri, hevur eisini gjørt aðrar broytingar í stjórnini, og eitt nýtt digitaliseringsmálaráð verður eisini skipað. 

Tilsamans verða fimm nýggir ráðharrar í umskipaðu stjórnini. 

Jonas Gahr Støre - Mynd: Ritzau Scanpix

Jonas Gahr Støre, forsætisráðharri. (Mynd: Ritzau Scanpix)

Politiskir eygleiðarar í Noregi siga, at vánaliga valúrslitið hjá Arbeiðaraflokkinum á kommunuvalinum í september er ein av orsøkunum til, at hann ger so umfatandi broytingar í stjórnini nú.

Valúrslitið var tað ringasta hjá Arbeiðaraflokkinum í 99 ár.

Arbeiðaraflokkurin hevur eisini staðið seg illa í veljarakanningunum.