Jordan vil ikki hava flóttafólk úr Gasa

Jordan fer ikki at taka ímóti flóttafólki úr Palestina.

Tað sigur Abdullah, kongur, sum ávarar ímóti, at flóttafólk úr Gasageiranum verða noydd at flýggja til Jordan og Egyptalands.

Abdullah, kongur í Jordan, hevur verið á almennari vitjan hjá týska kanslaranum, Olaf Scholz, í Berlin.

- Palestinska avbjóðingin skal ikki førkast yvir á onnur, og humanitera støðan í Gasa eigur at verða viðgjørd í Gasa, heldur jordanski kongurin. 

Fundur er í Jordan í morgin, har stjórnarleiðararnir í Egyptalandi, USA og palestinsku økjunum hittast.

Støðan í Gasa verður á skránni, og roynt verður at finna eina politiska loysn, skrivar Ritzau. 

Gasa, Gaza

WHO sigur, at 2.800 fólk hava latið lív í Gasa, síðani Hamas leyp á Ísrael 7. oktober. Síðani hevur Ísrael svarað aftur við at bumba Gasa. (Mynd: AFP/Ritzau Scanpix)

2.800 fólk latið lív

Í minsta lagi 71 fólk eru deyð av ísraelskum álopum í syðra parti av Gasa í nátt.

Sambært heimsheilsustovninum, WHO, hava tilsamans 2.800 fólk latið lív í Gasa, síðani kríggið brast á 7. oktober, tá Hamas leyp á Ísrael.

ST hevur enn aftur heitt á partarnar um steðga á við krígnum, soleiðis at humaniter hjálp kann veitast fólki, serliga í Gasageiranum. 

ST sigur, at dagliga eru ábendingar um, at krígsbrotsverk og brot á altjóða mannarættindi verða framd.