Iransk tíðindastova: Iran og USA hava gjørt avtalu

Hálvalmenna iranska tíðindastovan, Mehr, skrivar í dag, at Iran og USA hava gjørt eina avtalu.

Amerikanski forsetin, Donald Trump, boðar í dag frá, at kríggið í Miðeystri er av. Nærum 40 ferðir áður hevur hann sagt, at kríggið skjótt endar.

Sambært Iran er avtalan við USA ein ætlanaryvirlýsing, har amerikanarar binda seg til at taka sínar herdeildir úr iranskum økjum.

USA skal eisini strika revsitiltøkini móti Iran og strika stongsilin, sum hevur verið fyri sjóøkið út fyri Iran.

Revsitiltøk setast út gildi

Avtalan merkir eisini, at revsitiltøkini móti oljuhandlinum skulu setast úr gildi, og at frystir iranskir pengar uttanlands verða leysir aftur.

Iranar lovar hinvegin at lata uppaftur Hormuzsundið.

Víðari samráðingar eru nú um rakett- og kjarnorkuætlanirnar hjá Iran, og um búskaparligar spurningar.