Bretski verjumálaráðharrin hevur lagt frá sær

Bretski verjumálaráðharrin, John Healy, hevur lagt frá sær.

Tað sigur hann í einum opnum brævi til Keir Starmer, forsætisráðharra.

John Healy leggur frá sær, tí hann og Starmer eru ósamdir um, hvussu stórar íløgur Bretland skal gera í verjuna.

- Tú hevur ikki verið førur fyri, og fíggjarmálaráðið hevur heldur ikki verið sinnað at játta tað, sum tjóðin hevur brúk fyri, til tess at verja landið, skrivar John Healy m.a. i brævinum, sum eisini er almannakunngjørt á miðlinum X. 

- Tí havi eg ikki annað val enn at leggja frá sær, skrivar hann.

Keir Starmer hevur síðani i vár verið í politiskum ódnarveðri, og fleiri hava mælt forsætisráðharranum til at leggja frá sær. 

John Healy er ikki fyrsti ráðharrin í stjórnini hjá Starmer, sum hevur lagt frá sær.