Útgjaldið úr Barsilsskipanini eigur at svara til lønarvøksturin

Akademikarafelagið biður løgtingið hækka útgjaldið hjá Barsilsskipanini, so tað í minsta lagi svarar til lønarvøksturin, ið hevur verið síðani verandi hámarksupphædd, sum er í mesta lagi  25.000 kr., kom í 2004.    

Løgtingið hevur eitt uppskot hjá teimum trimum andstøðuflokkunum um at hækka hámarkið úr 25.000 kr. upp í 28.000 kr. 

Akademikarafelagið sigur, at heilt órímiliga lága hámarkið, sama um tað er 25.000 ella 28.000 kr., hevur stóra ávirkan á javnstøðuna.

Felagið sigur, at pápar arbeiða meira enn undan barnsburðinum fyri at leggja upp fyri, tí mamman og húskið missa løn í barsilstiðini.

Ein orsøk til hetta er, at gjaldið úr Barsilsskipanini er so lítið.