Kommunur sleppa at stovna bústaðafeløg

Kommunur sleppa nú at stovna almannagagnlig bústaðafeløg saman við Húsalánsgrunninum.

Og Húsalánsgrunnurin sleppur at læna 350 mió. kr. aftrat, so grunnurin fær heimild til at læna eina milliard og 50 milliónir krónur til at fíggja bústaðabygging.

Tað ætlar Ingilín D. Strøm, landsstýriskvinna, sum hevur sent til ummælis uppskot um at broyta lógina um Húsalánsgrunnin.

Lógaruppskotið sigur eisini, at Húsalánsgrunnurin kann fara uttanlands at læna pening.

Sambært uppskotinum skal parturin hjá kommunum í almannagagnligum bústaðafelag vera millum 10 og 20 prosent.

Hoyringarfreistin er til á middegi 13.november.