Fara eftir øllum stigunum

Bestu føroysku fótbóltskvinnurnar fara eftir sigrinum, tá tær taka ímóti Kýpros í Nations League í kvøld.

Hetta er fjórði dysturin í fyrstu Nations League-kappingini fyri kvinnur, og higartil hava Føroyar tapt við einum máli fyri Montenegro, Kýpros og Aserbadjan.

Fríggjadagin fingu føroyingarnir sítt fyrsta mál, tá Sunniva Willemoes minkaði um munin í 2-1 tapinum fyri Aserbadjan við Djúpumýrar, og í kvøld fara tær eftir øllum. 

 - Vit hava verið nær við at vinna stig í hinum dystunum, og serliga fríggjadagin helt eg, at vit høvdu uppiborðið meira. Vit hava lagt nógv arbeið í at verða betri á síðsta triðinginum, og so trúgva vit uppá, at tað arbeiðið fer at løna seg í morgin. Vit taptu 1-0 niðri á Kýpros, so vit vita, at tað saktans kann koppa okkara veg, men at tað krevur gróthart arbeiði, sigur landsliðsvenjarin, Signe Pries Andersen, sambært fsf.fo.