Kyndil basti neistakvinnum

Oddabrak var í bestu kvinnudeildini í kvøld.

Klokkan 18, tóku kyndilskvinnur ímóti Neistanum í Høllini á Hálsi.

Endin var, at Kyndil vann 28-25 ímóti Neistanum, eftir at Neistin førdi 12-10 í hálvleikinum.

Turið Arge Samuelsen var stórspælandi og skeyt 13 mál í dystinum. Hjá neistakvinnum var tað Maria Nólsoy, sum gekk á odda við 10 málum. 

Undan dystinum hevði Neistin fult stigatal, og kyndil lá á øðrum plássi við 12 stigum, nú ein triðingur av kappingarárinum er liðin. 

Eftir úrslitið í kvøld, hava Neistin og Kyndil sama stigatal.