Skaldsøgan ”Tám” á vágskálini

Skaldsøgan "Tám" kom út undan jólum í 2022, og hetta er fyrsta skaldsøgan, sum Jón Thorsteinsson hevur skrivað.

Frammanundan hevur hann skrivað tvey stuttsøgusøvn.

Tá Jón Thorsteinsson fór undir at skriva ”Tám”, gjørdi hann av at fara í farloyvi sum lærari á Glasi í enskum og leiklist.

”Tám” er 342 síður og snýr seg um tey bæði Anju og Bartal, sum eru í 40’unum.

Anja flytur heim úr Danmark við 13 ára gamla Dánjali, tí hon er skild frá danska manni sínum. Bartal, sum býr í Føroyum, hevur eisini verið í parlagi, sum er endað.

Bæði bústaðarneyð, avbjóðingar hjá ungfólki, stættarmunur, arbeiðslív og brotsverk verða lýst í bókini.

Sanna Klein og Sámal Soll fara at ummæla.

Uni Arge leggur til rættis.

Vágskálin logo

Hvat: Vágskálin
Hvar: Í útvarpinum
Nær: Mikudagin kl. 17.05