- Tíðindi, mentan og ítróttur
39 palestinskir fangar í býti við 13 ísraelskar gíslar
39 palestinskir fangar í býti við 13 ísraelskar gíslar
Vápnahvíldin millum Ísrael og Hamas kom í gildi tíðliga í morgun, men samanbrestir hava verið í nátt, heilt til vápnahvíldin kom í gildi.
Bardagarnir í Gasa hildu fram, til vápnahvíldin kom í gildi tíðliga í morgun.
Mynd: AFP/Ritzau Scanpix
24.11.2023 - 10:09
Ísraelski fongsulsmyndugleikin er farin undir tilgongdina at lata leysar 39 palestinskar fangar.
Tað skrivar Times of Israel.
Blaðið skrivar, at fongsulsmyndugleikin hevur fingið lista við nøvnunum á 39 palestinskum fangum, sum skulu latast leysir í dag, í býti við 13 ísraelskar gíslar.
Hetta er partur av avtaluni við Hamas.
Allan Sørensen er tíðindamaður hjá Kristeligt Dagblad í Miðeystri.
Kvinnur ella børn
Teir 39 fangarnir eru palestinskar kvinnur ella børn.
Tey fyrstu verða flutt til Ofer-fongslið á hersetta Vestara áarbakka fyrrapartin, áðrenn tey seinni í dag verða latin leys á Vestara áarbakka, ella í eystur-Jerusalem, skrivar Times of Israel.
Vápnahvíldin millum Ísrael og Hamas kom í gildi tíðliga í morgun. Men samanbrestir hava verið í nátt, heilt til vápnahvíldin kom í gildi.
Tað sigur Allan Sørensen, tíðindamaður hjá Kristeligt Dagblad í Miðeystri, við TV2 tíðliga í morgun.
Hann væntar, at samanbrestirnir fara at halda fram, eisini eftir vápnahvíldin er komin í gildi:
24112023_Allan_Sorensen
Er kopiera
Nýggjastu sendingar í ÚV
Nýggjastu sendingar í SV
