Biden fer ikki á veðurlagstoppfund

Amerikanski forsetin, Joe Biden, fer ikki á ST-veðurlagstoppfundin, sum byrjar í Dubai hósdagin.

Tað siga Hvítu húsini, sambært New York Times.

Ónevnda keldan sigur við New York Times, at ongar upplýsingar eru um, hví Biden ikki fer á COP28-toppfundin. Fundurin er í tvær vikur.

Embætisfólk í Hvítu húsunum rógva framundir, at kríggið millum Ísrael og Hamas hevur seinastu vikurnar og dagarnar tikið nógva arbeiðsorku í umsitingini hjá Biden.

Kerry fer á toppfund

Biden hevur brúkt tíð og orku til at fáa partarnar at semjast um vápnahvíld, og at lata fangar og gíslar leysar.

- Vit hava kríggið í Miðeystri og kríggj í Ukraina. Nógv hendir samstundis, svaraði John Kerry, sendifólk hjá Biden í veðurlagsmálum, tá hann í seinastu viku var spurdur, hvørjar ætlanir Biden hevur. 

Kerry og starvsfólk hansara vera tó við á ST-veðurlagsfundinum í Dubai. 

Tíðindastovan Reuters endurgav 1.november keldur, sum longu tá søgdu, at Biden neyvan fór á Cop28, skrivar NTB.