ST krevur vápnahvíld í Gasa alt fyri eitt

ST-høvuðsnevndin hevur við avgjørdum meiriluta samtykt krav um humanitera vápnahvíld millum Ísrael og Hamas alt fyri eitt.

Kravið var samtykt við 153 atkvøðum fyri og 10 í móti, m.a. USA, og 23 lond atkvøddu ikki.

Londini, sum atkvøddu ímóti, vóru Eysturríki, Kekkia, Guetemala, Ísrael, Liberia, Mikronesia-samveldið, Nauru, Papua Ný-guinea, Paraguay og USA.

Umframt samtyktina, er kravið eisini, at:

- allir partar skulu halda sínar skyldur sambært fólkarættinum, serstakliga tá ið tað snýr seg um at verja sivilfólk
- allir gíslar, sum Hamas hevur tikið til fanga í sambandi við álopið á Ísrael 7. oktober, skulu latast leysir alt fyri eitt
- og humanitera tilgongdin í Gasa skal tryggjast

ST-aðalfundurin samdist eisini í oktober um eina samtykt við kravi um vápnahvíld í Gasa alt fyri eitt. Samtyktir á aðalfundinum eru ikki bindandi, tað eru samtyktir í ST-trygdarráðnum harafturímóti.

Í síðstu viku legði USA fram uppskot til samtyktar í trygdarráðnum, sum í mesta mun var tað sama, sum var samtykt í ST-aðalfundinum.