Fleiri enn 7.000 akfør um samdøgrið í Eysturoyartunlinum í mai

Fyri fyrstu ferð fór miðaltalið í Eysturoyartunlinum upp um 7.000 í mai.

Tá vóru akførini í miðal 7.031 um samdøgrið. Tey vóru 6.687 í mai í fjør.

Í Sandoyartunlinum var talið eisini stórt í mai. Tað var 1241.

Talið hevur bara eina ferð verið størri, síðani farið var at krevja tunnilsgjald.

Tað var í juli í fjør, tá tað var 1280.

Í Norðoyatunlinum var miðaltalið í mai 4.831, og tað var 3.435 í Vágatunlinum.