Mæla frá at fiska lodnu í íslendskum sjógvi

Framvegis verður mælt frá at fiska lodnu í íslendskum sjógvi.

Eingin kvota er ásett eftir seinastu kanningarferðina hjá havrannsóknarskipunum Árna Friðrikssoni og Bjarna Sæmundssoni, sum byrjaði 9.desember, og er liðug nú.

Men stovnsmetingar vera eisini gjørdar í januar og februar næsta ár.

Metingin, sum var gjørd í september, gav sama úrslit sum nú.

Tilmælið var tá sum nú, at eingin lodna skal fiskast.