Kanna gransking og menning í Føroyum

Hagstovan kannar nú, hvussu nógv vit granska og menna í føroyskum fyritøkum og stovnum. 

Kanningin er seinni liður í arbeiðinum at savna altjóða sambærlig hagtøl um nýskapan, gransking og menning í Føroyum í 2022.

Kanningin verður afturvendandi. 

Talan er um tvey spurnabløð um gransking og menning, annað til fyritøkur og hitt til stovnar. 

Kanningin er gjørd í samstarvi við Granskingarráðið og Ráðið fyri gransking, menning og nýskapan.

Kanningin í 2020 vísti, at Svøríki er tað Norðurlandið, sum brúkar mestan pening fyri hvørt fólkið til gransking og menning.

Svøríki brúkti 12.744 krónur, Danmark brúkti 12.087 kr., Finnland 9.853 kr., Noreg 9.591 kr. og Ísland brúkti 9.000 krónur til gransking og menning í 2020.