- Tíðindi, mentan og ítróttur
Uros Stojanov aftur í reyðu litunum hjá ÍF
Uros Stojanov aftur í reyðu litunum hjá ÍF
Fótbóltsfeløgini brynja seg av álvara til komandi kappingarár, og í Fuglafirði fegnast tey um, at gamli serbiski málrevurin er komin aftur til felagið
ÍF-formaðurin, Georges Rouah, og Uros Stojanov
Mynd: ÍF á Facebook
19.12.2023 - 17:36
"Tað er við stórari gleði, at vit kunnu kunnugerða, at ÍF og Uros (Stojanov) hava gjørt avtalu fyri kappingarárið 2024."
Soleiðis skrivar ÍF á sínum Facebook-vanga í kvøld.
34 ára gamli Uros Stojanov kemur onkursvegna heimaftur eftir hálvtriðja ár í útlegd.
Upprunaliga kom Uros Stojanov til Føroya at spæla við ÍF. Serbiski málrevurin spældi í Fuglafirði í 2020 og fyrru helvt av 2021.
Tað gjørdust tá til 41 dystir og 24 mál fyri ÍF.
Síðani hevur áleyparin ferðast eitt sindur runt í landinum, fyrst til B36, síðani til Skálar og 07 Vestur, áðrenn hann nú er komin aftur til ÍF.
Uros Stojanov hevur spælt 92 dystir í Betri deildini og skorað 45 mál. Serliga fyrsta árið í føroyskum fótbólti var gott, tá hann spældi 27 dystir fyri ÍF og skoraði 17 mál.
Er kopiera
Nýggjastu sendingar í ÚV
Nýggjastu sendingar í SV
