Hóttan um yvirgang á jólum

Í Týsklandi eru nógv løgreglufólk í økinum við dómkirkjuna í Køln, sum skal vera eitt av málunum, skrivar týska blaðið Bild. Jólagudstænastur í Wien í Eysturríki og í Madrid í Spania eru eisini mál hjá islamistunum. Sambært Bild, kannaði løgreglufólk við hundum dómkirkjuna í Køln í gjárkvøldið fyri at tryggja, at ongar spreingiløðingar longu eru settar upp inni í kirkjuni.

Ein kirkja í eysturríkskahøvuðsstaðnum Wien skal eisini vera eitt av málunum, og spanska løgreglan er knýtt upp í kanningararbeiðið har. Eysturríkska løgreglan hevur longu framt handtøkur, skriva týskir miðlar. 

Løgreglan í Køln og í Wien hevur hækkað trygdarstigið í sambandi við hóttanina, sum kann hava tilknýti til yvirgangsfelagsskapin IS.