Methøgt fólkatal í heiminum

Tað vísur realitetsrokning hjá amerikanska mantalsstovninum Census Bureau. 

Við árslok í ár verða vit 75 milliónir fleiri fólk í heiminum, enn vit vóru við ársbyrjan í fjør.

Tá verða vit slakar 8 milliardir og 20 milliónir fólk. 

Ítøkiliga 8 milliardir, 19 milliónir, 876 túsund og 189 børn, tannáringar, vaksin og gomul í øllum kynum, liti og skapi.

Í Føroyum búðu 54.107 fólk við ársbyrjan, og síðani tá eru vit vorðin 450 fólk fleiri, - sambært nýggjastu hagtølunum, sum eru frá 1. november, er fólkatalið í Føroyum 54.557.

Fólkavøksturin í heiminum er niðanfyri 1 prosent, sambært United States Census Bureau.

Tá ið føðingar, immigratión og talið av deyðum verða løgd saman, sigur Census Bureau, at fólkatalið í USA hækkar hvørt 48-inta sekund. 

Samlað fyri allan heimin í januar næsta ár verður 4,3 menniskju fødd hvørt sekund, og tvey doyggja, sigur United States Census Bureau.