Kavi í Noregi forðar fólki at fara til arbeiðis

Fleiri staðni í Noregi kavar so illa, at skúlar noyðast at steingja, og fólk verða biðin um at arbeiða heima við hús.

Hetta er millum annað í strandabýnum, Arendal í landsynningspartinum av landinum Har verða allir skúlar stongdir í morgin.

- Vit halda tað ikki vera ráðiligt at lata børnini fara í skúla í so nógvum kava, sigur borgarstjórin í Arendal, Robert Cornels Nordli, við NTB-tíðindastovuna.

Seinastu dagarnar hevur kavað illa í syðra og eystara parti av Noregi.

Nógvi kavin hevur havt við sær ferðsluvanlukkur og seinkingar hjá tokum, bussum og flogførum.

Norska veðurstovan boðar frá sera nógvum kava í støðum í Noregi næsta samdøgrið.

Tað kavar illa við strendurnar, og tað vekir undran, tí vanliga er lýggjast har, sigur ein veðurfrøðingur á norsku veðurstovuni við NTB.