Bæði kavaódn og oysregn í Danmark

Í Jútlandi og Norðursælandi eru tey rakt av ógvusligari kavaódn, har okkurt um 10 sentimetrar av kava er lagstur fleiri staðni.

Forsagnirnar siga, at tað fer at kava upp í hálvan metur í dag.

Nógvur vindur er eisini, upp í skrið við hørðum hvirlum, sum hevur kavarok  við sær.

Í syðra parti av Danmark oysregnar.

Nógvar avlýsingar

Út á seinnapartin verður sagt upp í 30 millimetrar av regni. 

Ringa veðrið hevur elvt til nógvar avlýsingar í tokferðsluni í morgun, skrivar danska kringvarpið. 

Í millum annað Aarhus og Randers mælir politiið fólki frá at koyra óneyðugt.

Okkurt um 800 bilførarar hava higartil havt tørv á hjálp frá bjargingarfeløgum, tí teir hava koyrt seg fastar í kavanum.