Minni ferðsla í undirsjóvartunlunum

Miðalferðslan í Eysturoyartunlinum var minni í desember, enn hon var í november.

Og hon var eisini minni í hinum undirsjóvartunlunum.

Í desember var miðalferðslan í Eysturoyartunlinum 5.794 bilar. Hon var 5.952 bilar í november.

Bara einaferð hevur ferðslan har verið størri. Tað var í juni fjør, tá hon var 5.969 bilar.

Sandoyartunnilin, hátíðarhald í Sandoyartunlinum

Sandoyartunnilin læt upp fyri almennari ferðslu 21. desember.

Í Norðoyatunlinum vóru 415 færri akfør í desember enn í november.

Og í Vágatunlinum vóru 233 færri.

Í Sandoyartunlinum, sum læt upp 21.desember, var miðalferðslan um samdøgrið 2.200 bilar.