Fótbólturin á rull fyrst í mars

Fótbólturin fer á rull fyrst í mars.

Stórsteypadysturin hjá monnum verður 3. mars, og vikuskiftið eftir verður skjøtil settur á landskappingina við monnum, skrivar fsf.fo.

Leikdagarnir í Betri Deildini hjá monnum eru nú klárir, og í løtuni verða seinastu smálutirnir í sjálvari leikskránni fingnir upp á pláss.

Greitt er í øllum førum, at fyrsta umfar verður vikuskiftið 9. og 10. mars. Summarsteðgurin verður frá 6. juli til 2. august, og síðani verður spælt til 26. oktober, tá síðsta umfar er á skránni.

Eina viku seinni, leygardagin 2. november, verður finalan um Løgmanssteypið.