Slovenski venjarin: Vit eru favorittar á pappírinum

Slovenski venjarin, Uros Zorman, rennir ikki undan favorittheitinum undan dystinum ímóti Føroyum hósdagin.

 - Á pappírinum eru vit favorittar, og tað taka vit á okkum, men Føroyar hevur havt stóra framgongd síðstu árini og spæla skjótan og góðan hondbólt, sigur Uros Zorman.

 - Teir eru ikki stórir, men eksplosivir og skilagóðir.

Slovenar ætla sær í minsta lagið at spæla seg í miðumfarið, men mangla fleiri av sterkastu spælarunum.

 - Tað kemur sjálvandi illa við, men vit hava góðar spælarar í hópinum, og vit fara at gera okkara besta við teimum, sum eru við, sigur Uros Zorman.