Jónas, Ísak og Allan ikki við ímóti Norra

Líkt er til, at Elias Ellefsen á Skipagøtu og Hákun West av Teigum mugu taka líka stóra ábyrgd í føroyska álopsspælinum ímóti Norra, sum teir gjørdu ímóti Slovenia hósdagin.

Mest upplagdu avloysararnir, Jónas G. Djurhuus og Allan Norðberg, eru nevniliga ikki við í dystarhópinum til dystin ímóti norðmonnum í kvøld.

Triði maðurin, sum situr uttanfyri í dag, er ungi strikuspælarin, Ísak Vedelsbøl. 

Tað merkir, at Pauli Mittún og Rói Ellefsen á Skipagøtu, sum ikki vóru við ímóti Slovenia, eru við aftur í kvøld.