Hákun og Füchse einsamallir á odda

Hákun og Füchse einsamallir á odda
Füchse Berlin er nú oddalið í bestu týsku hondbóltsdeildini. Magdeburg tapti fyri fyrstu ferð í 30 dystir, og er nú tvey stig aftanfyri felagið hjá Hákuni West av Teigum
Hákun West av Teigum og Füchse Berlin eru nú tvey stig frammanfyri Magdeburg
 
18.02.2024 - 17:50

Hákun West av Teigum og liðfelagarnir í Füchse Berlin liggja nú einsamallir fremst í týsku bundesliguni.

Stóru kappingarneytarnir og favorittarnir til at vinna týska meistaraheitið, Magdeburg, taptu í dag fyri fyrstu ferð í 30 dystum, og tí er høvuðsstaðarfelagið nú tvey stig frammanfyri.

Füchse Berlin vann í gjár 30-26 á Lemgo í Max-Schmeling-Halle, tó uttan at føroyski vongurin skeyt nakað mál.

 

Elias tvey mál í sannførandi Kiel-sigri

Elias Ellefsen á Skipagøtu skeyt tvey mál, tá THW Kiel vann 39-36 á Stuttgart.

Dysturin var javnur fyri steðgin, men teir hvítu og svørtu tryggjaðu sær sigurin fyrstu løtuna í seinna hálvleiki, tá teir fóru frá útiliðnum.

Stuttgart minkaði um munin móti endanum, men tá var alt longu avgjørt. Kiel er framvegis á 4. plássið við 30 stigum. Tvey stig frammafyri liggja Flensburg og Jóhan á Plógv Hansen.


Elias Ellefsen á Skipagøtu skeyt tvey mál og legði upp til eitt í Kiel-heimasigri

 

Evropeiskir dystir í vikuni

Hósdagin spælir Kiel á heimavølli í Champions League ímóti Eurofarm Pelister. Týska stórliðið er fremst í sínum bólki við 16 stigum, meðan mótstøðuliðið úr Norðurmekedónia einki stig hevur fingið enn.

Tí er alt annað enn ein sigur til Elias Ellefsen á Skipagøtu og liðfelagarnar mestsum óhugsandi.

Füchse Berlin spælir í Evropa League týsdagin ímóti Sporting. Týskararnir eru fremst í sínum bólki við seks stigum, meðan portugisararnir eru nummar tvey við fýra stigum.

 

Er kopiera
Nýggjastu sendingar í ÚV
Sunnudag 16. februar
Bolero - Bartok, Hindemith og Rota
187832
Sunnudag 16. februar
Guðstænasta úr Havnar kirkju
187830
Sunnudag 16. februar
Kallið: Vit mugu kenna ábyrgd
187771
Leygardag 15. februar
Jambalaja - 150225
187814
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762