Fiskivinnuting á Torradøgum

Fiskivinnutingið á Torradøgum í Klaksvík verður hildið í nýggja og stásiliga Varpinum og byrjar klokkan 19.

Trý høvuðsevni eru á fiskivinnutinginum hesaferð:
 

• Virðisøking í fiskivinnuni. Janet Fríða Johannesen, matvørufrøðingur, Hanus Hansen, reiðari og Johannes Martin Olsen, nevndarformaður í Sjógæti, fara at kjakast um virðisøking í fiskivinnuni.
  

  Fiskivinnuting, Virðispýramida fyri fiskivinnuna

  
  
   
• Røkt av botfiskastovunum. Osmund Justinussen, reiðari, og Helga Bára Mohr Vang, fiskifrøðingur, fara at kjakast um, hvussu vit á bestan hátt røkja botnfiskastovnarnar, serliga toskastovnin.
   
• Støðan hjá botnfiskaflotanum. Triðja evni er verandi støða hjá botnfiskaflotanum eftir nýggjastu skerjingarnar í fiskidøgum og veiðimøguleikum. Við pallborðið til hendan partin eru Bjarni í Skálum, formaður í Felagnum Trolbátar, Andru Poulsen, sum rekur útróðrarbátin Stakkavík, Hanus Hansen, sum eigur og rekur fleiri trolarar í bólki-2 og Eydna í Homrum, leiðari á Tilfeingisdeildini á Havstovuni.
   

Kvøldið endar við politiskum kjaki, har Dennis Holm, landsstýrismaðurin í fiskivinnumálum, og umboð fyri hinar fimm flokkarnar eru við.Tiltakið er alment og verður eisini sent beinleiðis í útvarpinum.

Elin Winther Poulsen og Jón Brian Hvidtfeldt eru vertir. 

Hvat: Fiskivinnuting
Hvar: Varpið, Klaksvík, og í útvarpinum
Nær: Í kvøld, mikukvøld, kl. 19