Samráðast um gíslar og vápnahvíld

Ísrael, Egyptaland, Katar og USA eru samd um karmin fyri avtalu um gíslar í sambandi við eina vápnahvíld. 

Tað sigur Jake Sullivan, trygdarráðgevi í USA.

Sullivan sigur í samrøðu við NBC, at samráðst verður framvegis, og at Egyptaland og Katar hava havt beinleiðis samrøður við Hamas um tilgongdina.

Ætlan fyri sivilfólk í Rafah

Í gjár segði ísraelski forsætisráðharrin Benjamin Netanyahu, at arbeitt verður við at orða eina gíslaavtalu, men at tað er ov tíðliga at siga, at hon er klár.

Sullivan segði eisini í samrøðuni við NBC, at USA heldur, at Ísrael eigur ikki at leypa á Rafah, áðrenn ein ætlan er gjørd fyri, hvussu sivila fólkið verður tryggjað.

Ísrael heldur fast um eitt at leypa á Rafah, og ikki fyrr enn álopið er av, er Ísrael bert fáar vikur frá hava vunnið fullkomnan sigur.