Landsliðsspælari skiftir felag

Føroyski landsliðsspælarin, Súna Krossteig Hansen, skiftir úr Ajax København til Skanderborg eftir hetta kappingarárið, skrivar portal.fo.

Høvuðsstaðarfelagið, sum flytir niður í næstbestu deildina, kunngjørdi týsmorgunin, at føroyski hondbóltsbakkurin ikki heldur fram í felagnum.

 - Hon hevur verið ein stórur profilur seinastu tvey kappingarárini, og tað hava onnur feløg sjálvandi lagt merki til. Vit høvdu vónað at hildið fast í henni, men tað eydnaðist tíverri ikki, sigur ítróttastjórin og høvuðsvenjarin í Ajax København, Kasper Andersen. 

Ajax København hevur havt eitt sera vánaligt kappingarár, og Súna Krossteig Hansen og liðfelagarnir hava einki stig fingið. Skanderborg gjørdist akkurát ov stutt til at røkka ovara endaspælinum í bestu deildini.