Havnin luktar

Poul Michelsen, fyrrverandi borgarstjóri og Ronald Poulsen, fyrrverandi býráðslimur, eru sannførdir um, at um kloakkirnar vóru raðfestar og fleiri pengar brúktir, so høvdu kloakkviðurskiftini verið komin upp á pláss. Men so er ikki. 

Og Annika Olsen, býráðslimur og borgarstjóri, hevði sett sær stór mál, tá hon tók við. Men ætlanin gjørdist so stór og umfatandi, at hon ikki bar á mál. Ætlanin var millum annað at bora ein tunnil líka av Hvítanesi út á Glyvursnes, sum skuldi savna allar kloakkirnar. Var tað hent, so var Havnarvág gullrein og strendurnar somuleiðis. Í dag luktar tað bæði í býnum og niðri við sjóvarmálan.