Tippar tepran danskan sigur og gleðist um 'føroyska hamaran'

Føroyska mandslandsliðið dugir at skjóta mál, tað sást í 4-0 sigrinum á Liktinstein fríggjadagin. Liktinstein er tó ikki eitt landslið á ovastu fótbóltshill og langt frá.

Teir hava tapt 24 landsdystir á rað við einari málúrtøku upp á 71-2.

Í annaðkvøld verður mótstøðan ein heilt onnur, tá eitt nokkso trýst danskt landslið tekur ímóti føroyingum á leikvøllinum í Brøndby.

Adrian Justinussen hevur vakt ans í Danmark, síðani hann skifti HB út við Hillerød.

Nú er hann eisini byrjaður at vekja ans á landsliðnum, og Agnar Prestá fegnast um, at 'føroyski hamarin', sum danir hava doypt hann, vísir stórform.