Munurin millum útláns- og innlánsrentu er hækkaður munandi

Munurin millum útlánsrentuna og innlánsrentuna er vaksin munandi í 2023. 

Hjá privatkundum er miðal rentumarginalurin vaksin úr 3,1 prosentstigum upp í 4,1 prosentstig. 

Hjá vinnukundum er rentumunurin farin úr 3, 6 prosentstigum upp í 5, 6 prosentstig, sigur Landsbankin.

Evropeiski miðbankin hevur hækkað rentuna 10 ferðir síðani juli 2022. 

Betri Banki, Betri samtakið

Betri Banki.

Føroysku bankarnir fylgja við

Føroysku bankarnir hava hækkað útlánsrenturnar, so hvørt sum evropeiski miðbankin hevur boðað frá rentuhækkingum. 

Í februar 2024 var miðalrentan á útlánum í føroysku bankunum 6 prosent til vinnukundar og 5,2 prosent til privatkundar.

Síðan árslok 2022 hava bankarnir eisini hækkað innlánsrentuna, sum var negativ hjá privatkundum frá februar 2020 til áleið árslok 2022.

Vinnukundar fóru at gjalda negativa rentu longu í september 2019, og almennu stovnarnir og kommunurnar í mai 2017.

Stóri rentumunurin sæst eisini aftur í úrslitinum hjá bankunum fyri 2023.