Semingsfundur millum HAK og FAG útsettur til í næstu viku

Samráðingarfundurin, sum skuldi vera fyrrapartin í dag millum Havnar arbeiðskvinnufelag og Føroya arbeiðsgevarafelag, er útsettur, orsakað av forfalli.

Fróði Sivertsen, virkandi semingsmaður, sigur í stuttari viðmerking, at á fundinum millum partarnar mikudagin var avtalað, at tey skuldu hittast aftur í dag.

Nú er so er fundurin útsettur, men hann verður helst í næstu viku, sigur hann.

Støðan millum partarnar, sum nú hava verið í verkfalli í ellivu dagar, er óbroytt, sigur virkandi semingsmaðurin.

- Vit bíða, til vit fáa okkurt at arbeiða út frá, og eru altíð til reiðar at hitta partarnar, sigur Fróði Sivertsen.