VEKS fær nú eldraráð

Tað er stýrisformaðurin í VEKS, Jógvan Kruse, sum er komin við uppskotinum, og á stýrisfundi í Kvívík herfyri tók stýrið undir við hesum.

Uppgávan hjá Eldraráðnum verður at upplýsa, ráðgeva og mæla til tiltøk, sum byggja upp samskiftið millum eldru borgararnar og VEKS.

- Ætlanin er, at hvør kommuna sær samtykkir nýggja leistin hjá eldraráðnum, og at valið til eldraráðið verður í heyst og kemur at fylgja kommunuvalskeiðinum, sigur Jógvan Kruse.

Stýrisformaðurin leggur aftrat, at tey í longri tíð hava arbeitt við at fáa skipað eitt eldraráð, sum hann vónar kann vera við til at styrkja og uppbyggja góða samstarvið, sum tær fýra kommunurnar hava í VEKS.