- Tíðindi, mentan og ítróttur
Kanadiskt íløgufelag stórur partaeigari í Bakkafrosti
Kanadiskt íløgufelag stórur partaeigari í Bakkafrosti
Hetta er fyrstu ferð, at Sprucegrove Investment Management keypir partabrøv í føroysku alifyritøkuni
ES-nevndarforkvinnan, Ursula von der Leyen, og Regin Jacobsen, stjóri í Bakkafrosti, tá hon var á vitjan fyrr í ár. Nú hevur eitt kanadiskt íløgufelag keypt seg inn í alifyritøkuna.
Mynd: Bjarni Árting Rubeksen
03.06.2024 - 09:08
Íløgufelagið Sprucegrove Investment Management í Kanada er nú millum stóru partaeigararnar í Bakkafrosti.
Hósdagin keypti felagið tvær milliónir og 977.169 partabrøv, sum gera, at felagið nú eigur 5,02 prosent av Bakkafrosti.
Hetta er fyrstu ferð, at Sprucegrove Investment Management keypir partabrøv í Bakkafrosti.
Sprucegrove Investment Management keypir partabrøvini fyri síni viðskiftafólk.
Bara fýra aðrir partaeigarar eiga meira enn fimm prosent í Bakkafrosti.
Størsti eigarin er Folketrygdfondet í Noregi.
Er kopiera
Nýggjastu sendingar í ÚV
Nýggjastu sendingar í SV
