Kommunuvalið: Freistin at stilla upp er 22. oktober

Seinasta freist at koma við uppstilling til kommunuvalið 12. november er 22. oktober.

Løgmálaráðið hevur kunngjørt freistir í sambandi við kommunuvalið.

Og tær eru nógvar, stívliga 20. Tann fyrsta er 12. juli.

Tá kunnu sjófólk og onnur, sum ikki vænta at vera í Føroyum valdagin, atkvøða við brævi.

Valrætt og valbæri hava tey, sum eru fylt 18 ár og annars lúka hinar treytirnar um valrætt og valbæri til løgtingið.

Fólk skulu vera í fólkayvirlitinum  í avvarðandi kommunu í seinasta lagi tvær vikur fyri valið og framvegis búgva í kommununi valdagin.

Ríkisborgarar úr øðrum londum hava valrætt og valbæri, um teir havt fastan bústað í Føroyum seinastu trý árini fyri valið.