Katrin Joensen-Næs leikstjórnað Eivør “Upp úr øskuni”

14. juni gevur Eivør út nýggja plátu, “Enn”, sum er hennara tíggjunda heildarútgáva.

Í sambandi við útgávuni, so fer Eivør á útgávutúr, har hon millum annað skal spæla á danska tungmálmsfestivalinum Copenhell. 

Men í sambandi við útgávuna “Enn”, so hevur Eivør eisini júst latið úr hondum nýtt sjónbandalag til sangin “Upp úr øskuni”, ið er eitt gotiskt rokklag. 

Tað er sera lovandi føroyski filmsleikstjórin Katrin Joensen-Næs, ið gongur á leikstjórabreytini á Danska filmsskúlanum, ið hevur leikstjórnað.

UPP ÚR ØSKUNI

Nevið mítt reyða
Veingjabreiðið vítt
Glóð er mítt eyga
upp úr øskuni

Syng út í myrkrið
Eg hoyri teg
Saman geva lyftini
upp úr øskuni

Rísa upp á svørtum veingjum
Svíva inn í náttina
Tú ert systir mín
Eimborin úr dimmum iva
Nú ert tú brennimerkt við mær
Og eg verji teg

Nevið mítt reyða
Veingjabreiðið vítt
Glóð er mítt eyga
upp úr øskuni

Syng út í myrkrið
Eg hoyri teg
Saman geva lyftini
upp úr øskuni

Sveima vit á sterkum veingjum
Stevna inn í vissuna
Tú ert systir mín
Eldroðin úr farnum ótta
Festir í eitt brimandi bál
Men tú verjir meg

Sveima vit á fríum veingjum
Svørja at vit vilja tað
Tú ert systir mín
Eiðfastar í hvørja aðra
Orðini brend á mína húð
Aldri svíkja teg