Íslendska makrelkvotan umleið 120.000 tons í ár

Íslendska makrelkvotan í ár er sløk 120.000 tons.

Tá eru sløk 9.000 tons, sum ikki vóru fiskað í fjør, tald við.

Makrelurin er illa fyri.

Í september í fjør mælti ICES til, at tað ikki verða fiskað meira enn 740.000 tons í ár. Tað eru fimm prosent minni enn í 2023.

Í 2023 vóru tó fiskað stív 1,1 millión tons, 47 prosent meira enn ICES mælti til.  

Framvegis ósemja

Semja er framvegis ikki millum strandarlondini um, hvussu tilmælta heildarkvotan skal býtast.

Tí áseta londini sínar egnu kvotur.

Í miðal eru fiskað 40 prosent meira, enn ICES mælir til um árið síðani 2010.

Føroyska makrelkvotan í ár er 65.000 tons.